«Արսենալի» պաշտպան Սեադ Կոլաշինաչը կարող է կարիերան շարունակել Ա Սերիայում: Այս մասին հայտնում է goal.com-ը:
Այժմ ֆուտբոլիստը վարձավճարով խաղում է «Շալկեում», բայց, ամենայն հավանականությամբ, այս մրցաշրջանի ավարտից հետո խաղացողը կվերադառնա «Արսենալ», քանի որ Գելզենկիրխենի ակումբը հնարավոր է հայտնվի երկրորդ Բունդեսլիգայում:
Հաղորդվում է, որ «Արսենալը» մտադիր է վաճառել Կոլաշինաչին ամառային տրանսֆերային պատուհանի ընթացքում: Բոսնիացուն ձեռք բերելու հիմնական հավակնորդը «Լացիոն» է: