«Լիվերպուլի» գլխավոր մարզիչ Յուրգեն Կլոպը հարցազրույց է տվել Գերմանիայի հավաքականի նախկին ավագ Լոտար Մատեուսին ու խոսել է այս մրցաշրջանի անհաջողությունների մասին։
«Մրցակիցներին պետք չէ մեր հետ խաղերում շատ պահեր ստեղծել, քանի որ մենք սարսափելի ու անհեթեթ սխալներ ենք թույլ տալիս։
Մյուս կողմից մենք ստեղծում ենք պահեր՝ սպասելով գոլի։ Մենք մինչև հիմա երկրոդն ենք ԱՊԼ-ում «Մանչեսթեր Սիթիից» հետո, բայց մենք հեռու ենք նրանցից խփած գոլերի քանակով։ Պահերի իրացումը խնդիր է, որին մենք առերեսվում ենք այս մրցաշրջանում։
Ես փորձում եմ լավատես լինել, բայց ԱՊԼ-ից Չեմպիոնների լիգայի ուղեգիր նվաճելը գրեթե անհնար է լինելու՝ հաշվի առնելով այն հորիզոնականը, որտեղ մենք հիմա գտնվում ենք։
«Տոտենհեմում» դարձյալ վառ ֆուտբոլ է խաղում Գարեթ Բեյլը, նա թափ է հավաքում։ «Սիթին» ու «Մանչեսթեր Յունայթեդը» շատ առաջ են, «Չելսին» վերելքի մեջ է։
«Չեմպիոնների լիգա դուրս գալը ԱՊԼ-ի միջոցով շատ բարդ է լինելու, ու մենք գիտենք դա։ Իսկ Չեմպիոնների լիգան այսպիսի մրցաշրջաններում, երբ թիմը բազմաթիվ վնասվածքներ ունի, հիմնականում չեն հաղթում։ Դուք դա գիտեք, Լոտա՛ր»»,-ասել է Կլոպը, ում խոսքն է մեջբերում Goal.com-ը։
