Օրերս Զլատան Իբրահիմովիչը ասել էր, որ Լեբրոն Ջեյմսը պետք է զբաղվի բասկետբոլով, ոչ թե ներքաշվի քաղաքականության մեջ, ինչը նա այժմ ակտիվորեն անում է:
«Լեբրոնը NBA- ի պատմության լավագույն խաղացողներից մեկն է: Մարզադահլիճում նա ֆենոմենալ է և անհավանական բան է անում: Բայց ես լիովին դեմ եմ, որ մարզիկները մտնեն քաղաքականություն․․․» Մանրամասներն՝ այստեղ։
«Լեյքերսի» աստղի պատասխանը չուշացավ.
«Ես երբեք չեմ լռելու և չեմ խոսելու այն մասին, թե ինչն է սխալ: Ես խոսում եմ իմ ժողովրդի, հավասարության, սոցիալական անարդարության, ռասիզմի, ձայների համակարգված ճնշման մասին: Սրանք բաներ են, որոնք տեղի են ունենում մեր հասարակության մեջ:
Ես մի պահ մաս էի կազմում այս համայնքին և տեսնում էի, թե ինչ է կատարվում: Ես գիտեմ, որ այս բաները դեռ կատարվում են, քանի որ իմ դպրոցում կա ավելի քան 300 երեխա: Նրանք անցնում են նույն բանը, ինչ ես: Նրանց ձայն է պետք: Ես նրանց ձայնն եմ:
Ես օգտագործում եմ իմ պլատֆորմը՝ շարունակելու լույս սփռել այն ամենի վրա, ինչը կարող է պատահել ոչ միայն իմ համայնքում, այլ ամբողջ երկրում և ամբողջ աշխարհում: Ես երբեք չեմ զբաղվելու միայն սպորտով, քանի որ հասկանում եմ, թե ինչպես է այս հարթակ … որքան ուժեղ է ձայնս»,- ասել է Լեբրոնը:
Լեբրոնը նաև հիշեցրել է Զլատանին Շվեդիայում թաքնված ռասիզմի վերաբերյալ վերջինիս խոսքերը: Ֆուտբոլիստը շվեդական ԶԼՄ-ներին մեղադրել էր իր վրա հարձակվելու մեջ, չէ որ նրա ազգանունը Անդերսոն չէ, կամ Սվենսոն: «Հավատացեք ինձ, նրանք այս դպքում կպաշտպանեին ինձ, նույնիսկ եթե բանկ թալանեի», — ասել էր այդ ժամանակ Իբրան:
«Ծիծաղելի է, որ նա նման բաներ է ասում, քանի որ կարծում եմ, որ նա նույն բաների մասին էր խոսում 2018-ին, երբ վերադարձավ Շվեդիա», — ասում է Լեբրոնը: — «Նա ասաց, որ սխալ ազգանուն ունի, ուստի խաղադաշտ մտնելիս ռասիստական վերաբերմունք է զգացել իր նկատմամբ: Նա այդպես ասաց, չէ՞: Ինձ թվում է, որ այո: Դուք ինձ ոչ մի բանում չպետք է մեղադրեք»:
