«Բարսելոնան» հետաքրքրված է «Մանչեսթեր Սիթիի» հարձակվող Սերխիո Ագուերոյին մրցաշրջանի ավարտին անվճար ձեռք բերելու հնարավորությամբ: Այս մասին հաղորդում է Goal-ը՝ հղում անելով The Sun-ին:
32-ամյա արգենտինացու պայմանագիրը «Սիթիի» հետ ավարտվում է այս ամառ:
Աղբյուրի տեղեկացմամբ՝ «Բարսան» Լուիս Սուարեսի հեռանալուց հետո փորձառու գոլահարի փնտրտուքների մեջ է ու կարող է առավելություն ունենալ Ագուերոյի հետ բանակցություններում, քանի որ Սերխիոն լավ հարաբերությունների մեջ է Լիոնել Մեսսիի հետ:
Ավելի վաղ տեղեկություն էր տարածվել Ագուերոյի հանդեպ ՊՍԺ-ի հետաքրքրության մասին: