«Լիվերպուլի» հարձակվող Մոհամեդ Սալահը մեկնաբանել է «Զալցբուրգի» նկատմամբ հաղթանակը (4:3): Հաշվի մեջ առջևում լինելով 3-0 հաշվով՝ «Լիվերպուլը» մրցակցին հնարավորություն տվեց 3 գոլ խփելու: Հանդիպման 60-րդ րոպեին հաշիվն արդեն 3:3 էր: 69-րդ րոպեին Սալահը գոլ խփեց, որն այս խաղում «Լիվերպուլի» համար դարձավ հաղթական:
«Երբեմն ամեն ինչ այնպես չի ընթանում, ինչպես դու ես պլանավորում: Բայց մեր ուժերը բավականացրին, որ շտկեինք իրավիճակը, թեկուզև այս անգամ իդեալական չխաղացինք: «Լիվերպուլը» հաղթեց փորձի հաշվին:
Ֆիրմինո՞ն: Նրա ծննդյան տարեդարձն էր, ու ես շատ էր ուզում, որ նա ևս գոլ խփեր, բայց սահմանափակվեց 2 գոլային փոխանցմամբ: Նա շատ լավ խաղաց», – Սալահի խոսքերն է մեջբերել ՈՒԵՖԱ-ի մամուլի ծառայությունը:
