Պրեմիեր լիգայի մի քանի ակումբներ հետաքրքրված են Մադրիդի «Ռեալի» հարձակվող Վինիսիուս Ժունիորով: Դրանց թվում են «Արսենալը», «Չելսին», «Տոտենհեմը», «Մանչեսթեր Յունայթեդը» և «Վուլվերհեմփթոնը», հայտնում է El Desmarque- ն:
Հրապարակման համաձայն, տրանսֆերը կարող է տեղի ունենալ 2020 թվականի հունվարին: Անգլիայի Պրեմիեր լիգայի ակումբների հետ բրազիլացի ֆուտբոլիստի համար կպայքարեն ՊՍԺ-ն, «Ինտերը» և «Ռոման»:
Վինիսիուսը «Ռեալի» կազմում խաղում է 2018-ի հուլիսից: 19-ամյա հարձակվողի պայմանագիրը նախատեսված է մինչև 2025 թվականի հունիսի 30-ը: Այս մրցաշրջանում ֆուտբոլիստը բոլոր մրցաշարերում «Ռեալի» կազմում անցկացրած 14 խաղում խփել է 2 գոլ և 1 գոլային փոխանցում է կատարել: