ՈՒԵՖԱ-ն որոշել է հետաձգել Չեմպիոնների լիգայի և Եվրոպա լիգայի խաղարկությունների եզրափակիչները կորոնավիրուսի պատճառով։ Այս մասին հայտնում է գերատեսչության պաշտոնական կայքը։
Հետաձգվելու է նաև կանանց Չեմպիոնների լիգայի խաղարկության եզրափակիչը։
Նոր ամսաթվերը հայտնի են դառնալու ավելի ուշ։ Այն որոշվելու է ավելի վաղ ձևավորված աշխատանքային խմբի կողմից։ Նրանք դիտարկելու են բոլոր տարբերակները։
Ավելի վաղ կորոնավիրուսի տարածման պատճառով հետաձգվել էր ԵՎՐՈ-2020-ը։ Այն կայանալու է 2021 թվականին։
