ՉԼ խմբային փուլի 3-րդ տուրում «Չելսին» Լոնդոնում ընդունել էր ֆրանսիական «Ռենին» ու խոշոր հաշվով հաղթանակ տոնեց։ Անգլիացիները 3 անպատասխան գնդակ ուղարկեցին մրցաշարի նորեկի դարպասը։
Դուբլի հեղինակ դարձավ Տիմո Վերները՝ երկու գոլն էլ խփելով 11-մետրանոցից։ Վերները նախ, բացեց հանդիպման հաշիվը 10-րդ րոպեին, ապա 41-ին կրկնապատկեց այն։ Նկատենք, որ 40-րդ րոպեին երկրորդ դեղին քարտով խաղադաշտից հեռացվել էր ֆրանսիական թիմի ֆուտբոլիստ Դալբերտը։
«Չելսիի» 3-րդ գոլը երկրորդ կեսում՝ 50-րդ րոպեին հեղինակեց Աբրահամը։
Այս խմբի՝ միաժամանակ ընթացող մյուս խաղում «Սևիլյան» հյուրընկալել էր ռուսական «Կրասնոդարին» ու կամային հաղթանակ տարավ՝ մնալով 10 հոգով․ խաղն ավարտվեց 3-2 հաշվով։
17-րդ րոպեին ռուսների կազմում հաշիվը բացեց Սուլեյմանովը, իսկ 5 րոպե անց նշանակված 11-մետրանոցն անվրեպ իրացրեց Բերգը՝ կրկնապատկելով հաշիվը։ Սակայն 42-րդ րոպեին Իվան Ռակիտիչը կրճատեց հաշիվը։
Առաջին կեսին ավելացված 5-րդ րոպեին ուղիղ կարմիր քարտով մրցավարը խաղադաշտից հեռացրեց տանտերերի խաղացող Խեսուս Նավասին։
Երկրորդ կեսում ավելի ակտիվ էին տանտերերը ու կարողացան ևս երկու գոլ խփել։ Նախ, 69-րդ րոպեին Էն Նեսիրին հավասարեցրեց հաշիվը, ապա, 3 րոպե անց առաջ մղեց իր թիմին՝ վերջնական հաղթանակ պարգևելով «Սևիլյային»։