Հայաստանի Պրեմիեր լիգա. 4-րդ տուրին ընդառաջ

Երկշաբաթյա ընդմիջումից հետո վաղը կվերսկվի Vbet Պրեմիեր լիգան: Կայացած 3 տուրերից հետո մի շարք հանդիպումներ չեն կայացել կորոնավիրուսի, ինչպես նաև հայկական թիմերի՝ եվրագավաթների մասնակցության պատճառով:

Վաղը կմեկնարկի առաջնության 4-րդ տուրը և տեղի կունենա 2 հանդիպում: Մեկական հանդիպում էլ կկայանա շաբաթ և կիրակի օրերին: Այս տուրի «Շիրակ»-«Վան» հանդիպումը հետաձգվել է Գյումրիի թիմի գրության և կորոնավիրուսի կանխարգելման միջոցառումներով պայմանավորված:

«Նոա»-«Արարատ»

Տուրը կնեկնարկի «Նաիրի» մարզադաշտում՝ «Նոա»-«Արարատ» խաղով: Հայաստանի գործող փոխչեմպիոնն անհաջող է սկսել ընթացիկ մրցաշրջանը: Իգոր Պիկուշչակի գլխավորած թիմն անցկացրած 2 խաղից հետո ունի ընդամենը 1 միավոր: Առաջնության մեկնարկային տուրում «Նոան» ոչ-ոքի էր խաղացել Գյումրիի «Շիրակի» հետ, իսկ 2-րդ տուրում նվազագույն հաշվով պարտվել էր «Ալաշկերտին»: Ի տարբերություն «Նոայի»՝ «Արարատն» անցկացրել է ընդամենը 1 խաղ և հաղթանակ տոնել նվազագույն հաշվով: Նախորդ մրցաշրջանում թիմերն անցկացրել են 4 հանդիպում: Այդ խաղերից 2-ում հաջողությունն ուղեկցել է Նոային, մեկ խաղ ավարտվել է ոչ-ոքի, մյուսում ուժեղ են գտնվել արարատցիները:

Հայաստանի գործող չեմպիոն «Արարատ-Արմենիան» ընթացիկ մրցաշրջանում դեռ չի կարողանում վերգտնել իր խաղը: Առաջնությունում անցկացրած 2 խաղից հետո Կամպանյայի թիմը վաստակել է ընդամենը 2 միավոր՝ ոչ-ոքի խաղալով «Ալաշկերտի», այնուհետև «Գանձասար-Կապանի» հետ: Ի տարբերություն երևանյան թիմի՝ «Լոռին» ընթացիկ առաջնությունում դեռ չի սկսել իր ելույթները, իսկ առաջին տուրում Ուրարատուի հետ խաղին չներկայանալու պատճառով վանաձորյան թիմին գրանցվել էր տեխնիկական պարտություն: Ամառային տրանսֆերային պատուհանի ընթացքում Լոռու մարզը ներկայացնող ակումբը ձեռք է բերել մեկ տասնյակից ավելի ֆուտբոլիստներ:

«Արարատ-Արմենիա»-«Լոռի»

Հարկ է նշել, որ նախորդ մրցաշրջանում «Լոռին» «Արարատ-Արմենիայի» համար ամենաանհարմար մրցակիցն էր: Կայացած 4 խաղերից 2-ում հաղթել են վանձորյան թիմի ֆուտբոլիստները, իսկ մյուս 2-ն ավարտվել է գոլազուրկ ոչ-ոքի: Ընդհանուր առմամբ, պաշտոնական խաղերում թիմերը հանդիպել են 8 անգամ: Դրանցից 2-ում հաղթել է «Լոռին», 3-ում՝ «Արարատ-Արմենիան», իսկ մյուս 3 հանդիպումներն ավարտվել են ոչ-ոքի արդյունքով:

«Գանձասար-Կապան»-«Փյունիկ»

Նախորդ մրցաշրջանում անցումային գոտում հայտնված թիմերից երկուսը՝ «Գանձասար-Կապանն» ու «Փյունիկը» անհաջող են մեկնարկել նոր մրցաշրջանում: Անցկացված 3 տուրից հետո միայն Երևանի «Փյունիկն» է, որ չունի բաց թողած հանդիպում, չնայած դրան՝ Արտակ Օեսյանի գլխավորած թիմն ունի ընդամենը մեկ միավոր, որը վաստակել է «Ուրարտուի» հետ խաղում (0:0): Մյուս երկու խաղերում «Փյունիկը» պարտվել է «Արարատին» և «Վանին»: Կապանյան թիմը անցկացրած 2 խաղերից հետո ունի 1 միավոր: Արմեն Պետրոսյանի գլխավորած թիմը ոչ-ոքի է խաղացել «Արարատ-Արմենիայի» հետ, և պարտվել առաջնության նորեկ «Վանին»:  Նախորդ մրցաշրջանում «Փյունիկն» ու «Գանձասար-Կապանը» հանդիպել են 4 անգամ: 2 անգամ հաղթել է «Փյունիկը», 2 անգամ՝ «Գանձասար-Կապանը»:

«Ալաշկերտ»-«Ուրարտու»

Երկու թիմերն էլ ունեն 4-ական միավոր: «Ալաշկերտը» հաղթել է «Նոային» և ոչ-ոքի խաղացել «Արարատ-Արմենիայի» հետ: «Ուրարտուն» անցկացրել է 1 խաղ և մեկ միավոր վաստակել «Փյունիկի» հետ խաղում, իսկ առաջնության մեկնարկային տուրի խաղում, «Լոռիի»՝ հանդիպմանը չներկայանալու պատճառով երևանյան թիմին շնորհվել է 3 միավոր: Նախորդ մրցաշրջանում թիմերը հանդիպել են 2 անգամ և 2 դեպքում էլ հաղթել են «ալաշկերտցիները»՝ 2:1 և 4:2 հաշվով:

4-րդ տուրից առաջ մրցաշարային աղյուսակը գլխավորում է «Վանը»: Սևադա Արզումանյանի գլխավորած թիմը 2 խաղից հետո ունի 6 միավոր:

4-րդ տուրի խաղացանկը՝ ստորև.

3 տուրից հետո մրցաշարային աղյուսակն ունի հետևյալ տեսքը.

N	Թիմեր	Խ	Հ	Ո	Պ	ԽԳ	ԲԳ	Մ
1.	Վան	2	2	0	0	3	1	6
2.	ՈՒրարտու	2	1	1	0	3	0	4
3.	Ալաշկերտ	2	1	1	0	1	0	4
4.	Արարատ	1	1	0	0	1	0	3
5.	Արարատ-Արմենիա	2	0	2	0	1	1	2
6.	Շիրակ	1	0	1	0	2	2	1
7.	Նոա	2	0	1	1	2	3	1
8.	Գանձասար-Կապան	2	0	1	1	2	3	1
9.	Փյունիկ	3	0	1	2	0	2	1
10.	Լոռի ՖԱ	1	0	0	1	0	3	0