Այսօր մեկնարկում է Ազգերի լիգան. մի մրցաշար, որը նախաձեռնեց ՈՒԵՖԱ-ի նախկին նախագահ Միշել Պլատինին՝ հավաքականների ընկերական խաղերի փոխարեն։
ՈւԵՖԱ-ն այս մրցաշարով փորձում է բարձրացնել հետաքրքրությունը հավաքականների հանդիպումների նկատմամբ: Ազգերի լիգային մասնակցող 55 ասոցիացիաների գլխավոր մարզիչները վստահ են, որ ընկերական հանդիպումներում չկա այն մարզական թեժ պայքարը, որն անհրաժեշտ է պրոֆեսիոնալ ֆուտբոլիստներին: Ազգերի լիգան լրացնում է այդ բացը՝ հանդիպումները դարձնելով ավելի մրցակցային:
Չորս լիգաների խմբերը կազմվում են Ազգերի լիգայի վարկանիշային աղյուսակում հավաքականների զբաղեցրած դիրքի հիման վրա: Սա նշանակում է, որ խմբերում միմյանց հանդիպում են հավասար թիմեր, ինչը դիտարժան պայքարի հիմնական գրավականն է:
Եթե ավելի բովանդակային, ապա Ազգերի լիգան հեղինակավոր այլ մրցաշարարերից առանցքային մի տարբերություն ունի․ այն ավելի թույլ հավաքականներին հնարավորություն է տալիս մասնակցելու Աշխարհի/Եվրոպայի առաջնություններին` հաղթահարելով հավասար ներուժ ունեցող հավաքականների արգելքը: Ասել է թե՝ Ազգերի լիգան այն հավելյալ «պատուհանն» է, որը նաև մեր հավաքականին լավ հնարավորություն է տալիս իր պատմության մեջ առաջին անգամ խաղալ խոշոր մրցաշարում:
Հարկավոր է նշել, որ ընկերական հանդիպումները չեն չեղարկվում և մրցաշարային աղյուսակում դրանց անցկացման համար ազատ պատուհաններ կան։
Liga A. B .C. D. Սրանցից յուրաքանչյուրն իր մեջ ներառում է 4 խումբ, (բացի ՝ D լիգայից), որոնց հաղթողները դուրս կգան փլեյ-օֆֆ փուլ և կպայքարեն ԱԱ 2020-ում տեղ զբաղեցնելու համար:
Ազգերի լիգայի այս խաղարկությունը արդեն երկրորդն է: Նախորդ տարի հաղթող ճանաչվեց Պորտուգալիայի հավաքականը, որը եզրափակչում հաղթանակ տոնեց Նիդեռլանդների հավաքականի նկատմամբ (1-1):
Ի՞նչպես է այն գործում
Ազգերի լիգայի այս խաղարկության վիճակահանությունը տեղի ունեցավ 2020 թվականի մարտի 3-ին: Մրցաշարի առաջին 6 տուրերը կանցկացվեն սեպտեմբեր-նոյեմբեր ամիսներին:
Թիմերը միմյանց դեմ խաղալու են տանը և դրսում: Ա լիգայի չորս խմբերի հաղթողները կանցնեն եզրափակիչ փուլ (կիսաեզրափակիչ, երրորդ տեղի համար հանդիպում և եզրափակիչ), որը նախատեսված է 2021 թվականի հունիսին: Փլեյ-օֆֆ-ը տեղի կունենա 2022 թվականին:
B. C. D լիգաների խմբերի հաղթողները կբարձրանան մեկ լիգա վերև: Իսկ A և B լիգաների խմբերում վերջին հորիզոնականը զբաղեցրած հավաքականները կիջնեն մեկ լիգա ներքև:
Քանի որ C լիգայում չորս թիմ կա, իսկ D լիգայում ՝ երկու, ապա C լիգայից երկու հավաքական դուրս կմնան: Թիմը, որը վերջին տեղն է զբաղեցրել C լիգայի խմբում, և միևնույն ժամանակ նվաճում է Աշխարհի գավաթի 2022 թվականի փլեյ-օֆֆի ուղեգիր, ապա Ազգերի լիգայի վարկանիշի 47-րդ և 48-րդ թիմերը ինքնաբերաբար դուրս կմնան C լիգայից:
Ինչ վերաբերում է Աշխարհի առաջնության ընտրական փուլին, ապա այն կանցկացվի հին ձևաչափով: 10 խմբերի հաղթողները դուրս կգան Աշխարհի առաջնության եզրափակիչ փուլ:
Եվս 3 մասնակից որոշվելու է փլեյ-օֆֆ-ի ընթացքում: Դրանց կմասնակցեն իրենց խմբերում լավագույն երկրորդ հորիզոնականը զբաղեցրած հավաքականները, ինչպես նաև Ազգերի լիգայի խմբերում լավագույն արդյունք գրանցած 2 հաղթողները:
Liga A
A1 խումբ. Նիդեռլանդներ, Իտալիա, Բոսնիա և Հերցեգովինա, Լեհաստան
A2 խումբ. Անգլիա, Բելգիա, Դանիա, Իսլանդիա
A3 խումբ. Պորտուգալիա, Ֆրանսիա, Շվեդիա, Խորվաթիա
A4 խումբ. Շվեյցարիա, Իսպանիա, Ուկրաինա, Գերմանիա
Liga B
B1 խումբ. Ավստրիա, Նորվեգիա, Հյուսիսային Իռլանդիա, Ռումինիա
B2 խումբ. Չեխիա, Շոտլանդիա, Սլովակիա, Իսրայել
B3 խումբ. Ռուսաստան, Սերբիա, Թուրքիա, Հունգարիա
B4 խումբ. Ուելս, Ֆինլանդիա, Իռլանդիա, Բուլղարիա
Liga C
C1 խումբ. Չեռնոգորիա, Կիպրոս, Լյուքսեմբուրգ, Ադրբեջան
C2 խումբ. Վրաստան, Հյուսիսային Մակեդոնիա, Էստոնիա, Հայաստան
C3 խումբ. Հունաստան, Կոսովո, Սլովենիա, Մոլդովա
C4 խումբ. Ալբանիա, Բելառուս, Լիտվա, Ղազախստան
Liga D
D1 խումբ. Ֆարերյան կղզիներ, Լատվիա, Անդորրա, Մալթա
D2 խումբ. Ջիբրալթար, Լիխտենշտեյն, Սան Մարինո
Ազգերի լիգայի խմբային փուլի առաջին հանդիպումները կանցկացվեն սեպտեմբերի 3-ից 8-ը ընկած ժամանակահատվածում:
Հիշեցնենք, որ արդեն հայտնի է Հայաստանի հավաքականի հայտացուցակը ՈւԵՖԱ Ազգերի լիգայի C լիգայի երկրորդ խմբի՝ Հյուսիսային Մակեդոնիայի և Էստոնիայի հավաքականների հետ հանդիպումների համար:
Հայաստանի հավաքականը սեպտեմբերի 5-ին Ազգերի լիգայում կմեկնարկի Հյուսիսային Մակեդոնիայի դեմ արտագնա խաղով: Իսկ 3 օր անց Հայաստանի հավաքականը կընդունի Էստոնիայի ընտրանուն:
Նարեկ Գրիգորյան