Նոյեմբերի 1-ին սկսվել է Football Manager 2020 բետա թեստը:
Խաղում «Յուվենտուսը» որպես այդպիսին չի լինի։ Նրան կփոխարինի «Զեբրա» ֆուտբոլային ակումբը (Zebre)։ Թիմի գլխավոր մարզիչը կլինի Ջամպիերո Ռայմոնդին, իսկ Պավել Նեդվեդին ակումբի ղեկավարությունում կփոխարինի Պավել Խորաչեկը: Բոլոր ֆուտբոլիստները խաղում մնացել են իրական անուններով:
Հուլիսի 16-ին «Յուվենտուսը» հայտարարել էր Konami-ի հետ համագործակցության մասին։ Pro Evolution Soccer 2020-ում հայտնվել են խաղացողների լիցենզավորված համազգեստներն ու մոդելները, ինչպես նաև ակումբի տնային մարզադաշտը: Այդ համաձայնագրի պատճառով «Յուվենտուսը» FIFA 20-ում փոխարինվեց Piemonte Calcio-ով։
Football Manager 2020-ի պաշտոնական թողարկումը տեղի կունենա 2019 թվականի նոյեմբերի 19-ին:
