Թուրքական «Ֆեներբահչեի» 33-ամյա հարձակվող Ռոմելու Լուկակուն հայտարարել է Բելգիայի ազգային հավաքականում կարիերան ավարտելու մասին։
«Ազգային թիմին տվեցի այն ամենը, ինչ ունեի։ Շնորհակալություն թիմակիցներիս, մարզիչներին և բելգիացի երկրպագուներին՝ աջակցության համար։ Հպարտ եմ, որ ներկայացրել եմ իմ երկիրն աշխարհի չորս և Եվրոպայի երեք առաջնություններում։ Ես երբեք չեմ մոռանա այս պահերը»,- սոցիալական ցանցերում գրել է Լուկակուն։
Լուկակուն Բելգիայի հավաքականում հանդես էր գալիս 2010 թվականից։ Այդ ընթացքում նա մասնակցել է 135 հանդիպման, դարձել 94 գոլի և 20 գոլային փոխանցման հեղինակ։
Ազգային թիմի կազմում Լուկակուի լավագույն նվաճումը 2018 թվականի աշխարհի առաջնության բրոնզե մեդալներն են։



























































