Ֆրանսիայի ազգային հավաքականի գլխավոր մարզիչ Զինեդին Զիդանն իր աջակցությունն է հայտնել Պորտուգալիայի ընտրանու հարձակվող Կրիշտիանու Ռոնալդուին։
Վերջինս, ըստ շրջանառվող լուրերի, լքել է ազգային թիմի ճամբարը գլխավոր մարզիչ Ժորժե Ժեզուշի հետ ունեցած կոնֆլիկտի պատճառով։ ԶԼՄ-ները չեն բացառում, որ 41-ամյա ռմբարկուն կարող է ավարտել միջազգային կարիերան։
«Մենք պետք է ըստ արժանվույն մեծարենք նրան և գնահատենք այդ փառահեղ կարիերան։ Ինձ իսկապես բախտ է վիճակվել աշխատել նրա հետ։ Կրիշտիանուն օգնել է ինձ բազմաթիվ տիտղոսներ նվաճել։ Գլխարկս խոնարհում եմ նրա առաջ։ Ես միշտ մեծ հարգանքով եմ վերաբերվում այն մարդկանց, ում հետ ժամանակ եմ անցկացրել»,- Զիդանի խոսքերն է մեջբերում RMC Sport-ը։
Հիշեցնենք, որ Ռոնալդուն Զիդանի գլխավորությամբ հանդես է եկել Մադրիդի «Ռեալում» 2016-ից 2018 թվականներին։
