Դորտմունդի «Բորուսիայի» կիսապաշտպան Կոնստանտինոս Կարեցասը հոսպիտալացվել է Չեմպիոնների լիգայի լիգայի փուլի առաջին տուրի՝ իսպանական «Վիլյառեալի» դեմ հանդիպման ժամանակ։
18-ամյա հույն ֆուտբոլիստի ինքնազգացողությունը կտրուկ վատացել է առաջին խաղակեսի միջնամասում։ 23-րդ րոպեին, առանց մրցակցի հետ որևէ բախման, Կարեցասը փոխանցում կատարելուց հետո նստել է խոտածածկին և նշան արել մրցավարին ու մարզչական շտաբին, որ բժշկական օգնության կարիք ունի։
Դաշտ մտած բժիշկները մի քանի րոպե առաջին օգնություն են ցուցաբերել ծանր շնչող ֆուտբոլիստին, ինչից հետո նրան պատգարակով դուրս են բերել խաղադաշտից։ 27-րդ րոպեին նրան փոխարինել է Իթան Նվաներին։
Գերմանական ակումբի մամուլի ծառայությունը հայտնել է, որ փոխարինման պատճառն արյան շրջանառության հետ կապված խնդիրներն են եղել.
«Կոնստանտինոս Կարեցասը ստիպված էր լքել խաղադաշտը արյան շրջանառության խնդիրների պատճառով: Ստեղծված հանգամանքներում նա իրեն նորմալ է զգում և այժմ տեղափոխվում է հիվանդանոց՝ լրացուցիչ բուժզննում անցնելու նպատակով»։
Նման ախտանիշները հաճախ ուղեկցվում են գլխապտույտով, զարկերակային ճնշման անկմամբ և հոգնածությամբ, ինչի հետևանքով ուղեղը բավարար քանակությամբ թթվածին չի ստանում։
Չնայած այս միջադեպին՝ Դորտմունդում կայացած հանդիպումն ավարտվել է տանտերերի հաղթանակով՝ 3:2 հաշվով:
Կոնստանտինոս Կարեցասը «Բորուսիա» է տեղափոխվել այս ամռանը՝ բելգիական «Գենկից»: Ըստ Transfermarkt-ի՝ գործարքի արժեքը կազմել է 30 միլիոն եվրո։ Նոր ակումբի կազմում կիսապաշտպանն արդեն հասցրել էր անցկացնել 5 հանդիպում և աչքի ընկնել մեկ գոլային փոխանցմամբ:
Չեմպիոնների լիգայի հաջորդ տուրում «Բորուսիան» հոկտեմբերի 14-ին արտագնա խաղում ուժերը կչափի «Բուդե-Գլիմտի» հետ։
Konstantinos Karetsas tuvo que salir de cambio, el griego del #BorussiaDortmund presento problemas circulatorios en jornada de #ChampionsLeague, así lo informó el club.
El Black Yellow afirmó que el jugador se encuentra bien y realizará más pruebas médicas.…
— Arath Uva ⚽ (@arath_drake5) September 8, 2026
