Անգլիական «Ասթոն Վիլան» պաշտոնապես հայտարարել է Լոնդոնի «Չելսիի» և Սենեգալի ազգային հավաքականի հարձակվող Նիկոլաս Ջեքսոնի տեղափոխության մասին։
Տարբեր լրատվամիջոցների հաղորդմամբ՝ բիրմինգհեմյան ակումբը 25-ամյա ֆուտբոլիստի տրանսֆերի համար վճարել է 70-ից 76 միլիոն եվրո։
Նախորդ մրցաշրջանը սենեգալցի հարձակվողը վարձակալական հիմունքներով անցկացրել է Մյունխենի «Բավարիայում»։ Գերմանական ակումբի կազմում նա բոլոր մրցաշարերում մասնակցել է 34 հանդիպման՝ դառնալով 11 գոլի և 4 գոլային փոխանցման հեղինակ։
Հիշեցնենք, որ Ջեքսոնը «Չելսիի» ֆուտբոլիստ էր դարձել 2023 թվականի ամռանը՝ 37 միլիոն եվրոյի դիմաց տեղափոխվելով իսպանական «Վիլյառեալից»։ Նրա պայմանագրի ժամկետը լոնդոնյան ակումբի հետ նախատեսված էր մինչև 2033 թվականի ամառը։
«Ազնվականների» շարքերում հանդես գալու ժամանակահատվածում հարձակվողը հասցրել է նվաճել ՈւԵՖԱ-ի Կոնֆերենցիաների լիգայի և ակումբային աշխարհի առաջնության գավաթները։
