Կատալոնական «Բարսելոնան» իր պաշտոնական կայքում հայտարարել է «Մանչեսթեր Սիթիից» կիսապաշտպան Ռոդրիի տեղափոխության մասին։
30-ամյա իսպանացի ֆուտբոլիստը «կապտանռնագույնների» հետ կնքել է պայմանագիր, որը նախատեսված է մինչև 2030 թվականի ամառը։ ԶԼՄ-ների տեղեկություններով՝ կատալոնական ակումբն այս տրանսֆերի համար «քաղաքայիններին» վճարել է 70 միլիոն եվրո։ Գործարքը նախատեսում է նաև հավելյալ բոնուսային վճարումներ։
Նշենք, որ Ռոդրին «Մանչեսթեր Սիթիի» գույները պաշտպանում էր վերջին յոթ մրցաշրջանների ընթացքում։ Այդ ժամանակահատվածում անվանի կիսապաշտպանը նվաճել է բազմաթիվ տիտղոսներ՝ մասնավորապես դառնալով Անգլիայի Պրեմիեր լիգայի քառակի չեմպիոն և Չեմպիոնների լիգայի գավաթակիր։
2024 թվականին ֆուտբոլիստը դարձել է Եվրոպայի չեմպիոն և արժանացել համաշխարհային ֆուտբոլի ամենահեղինակավոր անհատական մրցանակին՝ «Ոսկե գնդակին»։ Իսկ արդեն այս ամռանը Ռոդրին Իսպանիայի ազգային հավաքականի կազմում հռչակվել է աշխարհի չեմպիոն և ճանաչվել մունդիալի լավագույն խաղացող։
Հավելենք, որ կիրակի՝ օգոստոսի 23-ին, «Բարսելոնան» Իսպանիայի Լա լիգայի հերթական տուրի շրջանակում կարտագնա հանդիպում կանցկացնի «Էլչեի» հետ։
The master of space and time touches down in Barcelona ⏱️ pic.twitter.com/BESJxrGg3w
— FC Barcelona (@FCBarcelona) August 18, 2026
