Անգլիական «Մանչեսթեր Սիթիի» կիսապաշտպան Ջեք Գրիլիշը կարող է ընթացիկ ամառային տրանսֆերային պատուհանի ընթացքում հեռանալ ակումբից: Այս մասին է վկայում նախամրցաշրջանային շրջագայության հայտացուցակում նրա բացակայությունը։
Ինչպես հաղորդում է Tribal Football-ը, ֆուտբոլիստի ծառայություններով հետաքրքրված է Մադրիդի «Ատլետիկոն», որը դիտարկում է նրա տրանսֆերը գնելու հնարավորությունը:
Ավարտված՝ 2025/26 մրցաշրջանը ֆուտբոլիստը վարձավճարով անցկացրել է «Էվերթոնում» այն բանից հետո, երբ Պեպ Գվարդիոլայի գլխավորությամբ կորցրել է իր տեղը «Մանչեսթեր Սիթիի» հիմնական կազմում։ Ամռանը Մանչեսթեր վերադառնալուց հետո Գրիլիշը պետք է ապացուցեր իր արժեքը թիմին, սակայն ծրագրերը խափանվել են ոտքի վնասվածքի պատճառով, ինչի հետևանքով նա բաց է թողել մրցաշրջանի վերջին շաբաթները։
«Մանչեսթեր Սիթիի» նորանշանակ գլխավոր մարզիչ Էնցո Մարեսկան ձեռնպահ է մնացել Գրիլիշի ապագայի վերաբերյալ մեկնաբանություններից, ընդ որում՝ ֆուտբոլիստի գործող պայմանագրի ավարտին մնացել է մեկ տարի։ Ինքը՝ Գրիլիշը, արձագանքել է թիմում իր կարգավիճակի մասին լուրերին՝ պարզաբանելով, որ ասիական շրջագայության հայտացուցակում չի ընդգրկվել վնասվածքից հետո ֆիզիկական ոչ բավարար մարզավիճակի պատճառով։
Աղբյուրի համաձայն՝ «Ատլետիկոն» պատրաստ է դիտարկել Գրիլիշի տրանսֆերը, սակայն ֆինանսական պայմանները կարող են խոչընդոտ դառնալ։ Խաղացողի շաբաթական աշխատավարձը «Մանչեսթեր Սիթիում» կազմում է մոտ 300 հազար ֆունտ ստերլինգ (350 հազար եվրո), իսկ մադրիդյան ակումբը մտադիր չէ նմանատիպ աշխատավարձ առաջարկել: «Ատլետիկոյի» գլխավոր մարզիչ Դիեգո Սիմեոնեի ծրագրերում Գրիլիշը դիտարկվում է որպես ռոտացիոն խաղացող՝ Ադեմոլա Լուկմանի և թիմի նորեկ Լի Կան Ինին անհրաժետության դեպքում փոխարինելու համար։
Հիշեցնենք, որ Ջեք Գրիլիշը «Մանչեսթեր Սիթի» էր տեղափոխվել 2021 թվականի ամռանը «Ասթոն Վիլայից»՝ 117․5 միլիոն եվրոյի դիմաց, և այժմ «քաղաքայինների» պատմության երկրորդ ամենաթանկարժեք ֆուտբոլիստն է: Ակումբի ռեկորդային տրանսֆերը պատկանում է Էլիոթ Անդերսոնին, որն այս ամառ «Նոթինգհեմ Ֆորեսթից» 135 միլիոն եվրոյի դիմաց է միացել «քաղաքայիններին»:
