Մադրիդի «Ռեալում» լուրջ կադրային որոշումներ են կայացվում։ Ինչպես հայտնում է El Mundo պարբերականի լրագրող Աբրահամ Ռոմերոն X սոցիալական ցանցի իր միկրոբլոգում, ակումբի ղեկավարությունն ու գլխավոր մարզիչ Ժոզե Մոուրինյուն կազմել են այն ֆուտբոլիստների ցանկը, որոնց տրանսֆերը ոչ մի դեպքում չի քննարկվելու:
Այսպես կոչված «անձեռնմխելիների» թվում են հարձակվող Կիլիան Մբապեն, ինչպես նաև կիսապաշտպաններ Ֆեդերիկո Վալվերդեն, Արդա Գյուլերը, Բերնարդու Սիլվան և Ջուդ Բելինգհեմը։
Աղբյուրի տեղեկություններով՝ մադրիդյան ակումբը մոտ է Օրելյեն Չուամենիի և Բրահիմ Դիասի հետ գործող պայմանագրերը երկարաձգելուն։ Փոխարենը, միանգամայն անորոշ է մնում Վինիսիուս Ժունիորի, Էդուարդո Կամավինգայի, Ֆրանկո Մաստանտուոնոյի և Էնդրիկի ապագան «արքայական» ակումբում։
Բացի այդ, Ռոմերոն հաստատում է, որ «Ռեալն» ակտիվ աշխատանքներ է տանում նոր տրանսֆերների ուղղությամբ և մոտ է «Մանչեսթեր Սիթիի» կիսապաշտպան Ռոդրիի և «Լայպցիգի» վինգեր Յան Դիոմանդեի տեղափոխություններն իրականացնելուն։
