Իտալիայի Ա Սերիայի 27-րդ տուրի շրջանակում «Ռոման» սեփական հարկի տակ ընդունել էր «Յուվենտուսին»։ Հռոմում կայացած հանդիպումն ավարտվեց գոլառատ ոչ-ոքիով՝ 3։3 հաշվով։
Դաշտի տերերի կազմում աչքի ընկան Ուեսլին, Էվան Նդիկան և Դոնիել Մալենը։ Թուրինյան ակումբի կազմում գոլերի հեղինակ դարձան Ֆրանսիշկու Կոնսեյսաուն, Ժերեմի Բոգան և Ֆեդերիկո Գատին։
«Ռոման» հաղթում էր 3։2 հաշվով մինչև երկրորդ խաղակեսի հիմնական ժամանակի ավարտը, սակայն մրցավարի կողմից ավելացված երրորդ րոպեին Գատին գրավեց դաշտի տերերի դարպասն ու փրկեց իր թիմին պարտությունից։
Այս հանդիպումից հետո «Ռոման» 51 միավորով զբաղեցնում է մրցաշարային աղյուսակի 4-րդ հորիզոնականը։ «Յուվենտուսը» 47 միավորով 6-րդ տեղում է։ Նշենք, որ Լուչանո Սպալետիի գլխավորած թիմը չի հաղթում առաջնության արդեն 4 տուր անընդմեջ։
Հաջորդ տուրում՝ մարտի 8-ին, «Ռոման» արտագնա խաղում ուժերը կչափի «Ջենոայի» հետ, իսկ «Յուվենտուսը» մեկ օր առաջ սեփական հարկի տակ կընդունի «Պիզային»։
Տեսանյութը՝ ԱՅՍՏԵՂ
Մրցաշարային աղյուսակն այս պահին
