Պրոֆեսիոնալ ֆուտբոլիստների ասոցիացիան (PFA) երկու դատական գործ է սկսել՝ պայքարելով ֆուտբոլիստների իրավունքների համար: Այս մասին հայտարարել է PFA-ի նախագահ Մահետա Մոլանգոն:
«Երբ դու դիմում ես խաղացողներին, և նրանք անընդհատ բողոքում են չափից շատ խաղալուց, դա նշանակում է, որ ժամանակն է գործել: Ցավոք, Պրոֆեսիոնալ ֆուտբոլիստների ասոցիացիան (PFA) ստիպված եղավ դիմել դատարան:
Մենք ներկայացրել ենք երկու հայց: Առաջինը, որը ներկայացվել է Բելգիայի դատարան, վերաբերում է հանգստի իրավունքին: Ի վերջո, խաղացողը, որքան էլ արտոնյալ լինի, և նա այդպիսին է, մարդ է: Լավ վարձատրությունը չի կարող ձեզ լրացուցիչ թոք կամ ոտք գնել: Ժամանակն է գալիս, երբ մարմինը հասնում է իր սահմանին, նույնիսկ եթե դու ցանկանում ես խաղալ ամբողջ կյանքդ: Երբեմն մենք նույնիսկ ստիպված ենք լինում պաշտպանել նրանց իրենց իսկ ցանկություններից: Մենք եզրակացրինք, որ քանի որ նրանք աշխատողներ են, նրանք ունեն հանգստի նույն իրավունքը, ինչ մյուս բոլորը: Աշխատողն ունի ամառային հանգստի իրավունք, իսկ ֆուտբոլիստը՝ ոչ: Դե, եկեք այդ հարցը տանենք դատարան:
Մյուս հայցը վիճարկում է կազմակերպությունների գործելաձևը: Չի կարելի միաժամանակ լինել մրցույթների կանոնակարգողը և կազմակերպիչը՝ սահմանելով միայն ձեր շահերից բխող կանոններ: Այդպես չի կարող լինել: Դուք կամ կանոնակարգող եք, կամ մրցույթի կազմակերպիչ: Միաժամանակ երկուսը լինելն անթույլատրելի է: Այս հայցը ներկայացված է ընդդեմ Լա Լիգայի և հարցականի տակ է դնում ներկայիս աշխատանքային մոդելը, որտեղ մենք առաջարկում ենք. «Հնարավոր է, որ նույն համակարգը պահպանվի և բարեփոխվի, բայց համապատասխան ընթացակարգերով», ինչը ենթադրում է կոլեկտիվ պայմանագրի առկայություն:
Նման ընթացակարգեր կան ցանկացած ոլորտում, օրինակ՝ լրագրության մեջ: Ինչու՞ են ֆուտբոլում գործում այլ կանոններ, երբ մասնավոր շվեյցարական կազմակերպությունը միակողմանիորեն թելադրում է մեզ իր կանոնները: Ահա թե ինչին ենք մենք ձգտում: Եկեք աշխատակիցներս և ղեկավարությունը նստենք և համաձայնություն կնքենք: Եվ եթե դա պետք է լինի ֆուտբոլի «հայրերի» հովանու ներքո, հիանալի է: Ես չեմ ասում, որ ՖԻՖԱ-ն չպետք է ունենա իր դերը. նա պարտավոր է դա անել», – Մոլանգոյի խոսքերը մեջբերում է AS-ը:
