«Բարսելոնայի» նախագահ Ժոան Լապորտան ներկայացրել է կատալոնական ակումբի նպատակները 2025/26 մրցաշրջանի համար։
«Մենք ուժեղացրել ենք թիմը և հույս ունենք հասնել հաջողության։ Անցյալ մրցաշրջանում մենք անմոռանալի պահեր ունեցանք, և հուսով եմ՝ այս մրցաշրջանը նույնպես հիանալի կլինի։ Մենք կպայքարենք բոլոր գավաթների համար»,- ասել է Լապորտան։
Նախորդ մրցաշրջանի վերջում «կապտանռնագույնները» չորս միավորի առավելությամբ հաղթեցին Մադրիդի «Ռեալին» և դարձան Իսպանիայի չեմպիոն։ Հանս-Դիտեր Ֆլիկի գլխավորությամբ թիմը նաև նվաճեց Իսպանիայի գավաթը և Սուպերգավաթը։
Նոր մրցաշրջանում Լա Լիգայի առաջին խաղում «Բարսելոնան» մրցելու է «Մալյորկայի» հետ։ Հանդիպումը կանցկացվի օգոստոսի 16-ին՝ մրցակցի դաշտում։
