American Airlines ավիաընկերության 5342 չվերթը, որը թռչել է Կանզաս նահանգի Վիչիտա քաղաքից, որտեղ անցկացվում էր ԱՄՆ գեղասահքի առաջնությունը անցյալ շաբաթավերջին, վթարի է ենթարկվել Վաշինգտոնի մերձակայքում՝ ռազմական ուղղաթիռի հետ բախվելուց հետո ընկել է Պոտոմակ գետը։
ԱՄՆ-ում կործանված ինքնաթիռում եղել են գեղասահքի 1994 թվականի աշխարհի չեմպիոններ Եվգենյա Շիշկովան և Վադիմ Նաումովը, հայտնում է ТАСС-ը։
Նշվում է, որ ընդհանուր առմամբ, ինքնաթիռում եղել է 60 ուղևոր և անձնակազմի չորս անդամ, իսկ ուղղաթիռում եղել է երեք զինվորական։ CBS-ի տվյալներով՝ հայտնաբերվել է 18 դի, ողջ մնացածների մասին տեղեկություններ դեռ չկան։
Կարիերան ավարտելուց հետո Շիշկովան և Նաումովը տեղափոխվել են ԱՄՆ և զբաղվել մարզչական աշխատանքով։ Գեղասահքի ԱՄՆ առաջնությունը տեղի ունեցել հունվարի 20-26-ը Կանզաս նահանգի Վիչիտա քաղաքում։
