Որպես քաղաքացի՝ կոչ եմ անում դադարեցնել բռնությունն ու ագրեսիան․ Կվարացխելիան՝ Վրաստանում տիրող իրավիճակի մասին

«Նապոլիի» վրացի հարձակվող Խվիչա Կվարացխելիան անդրադարձել է իր հայրենիքում տեղի ունեցող իրադարձություններին, որտեղ արդեն մի քանի օր է՝ շարունակվում են զանգվածային անկարգություններն ու ցույցերը՝ կապված երկրի եվրաինտեգրման հարցի հետ։

«Բարև ձեզ։ Հետևում եմ մեր երկրում տեղի ունեցող իրադարձություններին և ցանկանում եմ արտահայտել իմ կարծիքն ու դիրքորոշումը որպես քաղաքացի։ Վրաց ժողովրդի ցանկությունն ու կամքն է՝ գնալ եվրոպական ճանապարհով։ Դա մեր պատմական ընտրությունն է, միակ ճիշտ ընտրությունը և այդ ճանապարհից շեղվելն անընդունելի է։ Այս երկիրը պատկանում է ժողովրդին և ոչ ոք չի կարող լինել ժողովրդի կամքից վեր։

 

1 of 27

- +

1.

2.

3.

4.

5.

6.

7.

8.

9.

10.

11.

12.

13.

14.

15.

16.

17.

18.

19.

20.

21.

22.

23.

24.

25.

26.

27.

Ցավ եք պատճառում թե՛ երկրին, թե՛ ժողովրդին։ Ցավալի է տեսնել, թե ինչպես են տարբեր տեսանյութեր դառնում վարակիչ, կանգնեցրեք բռնությունն ու ագրեսիան։ Վրաստանն այսօր, ինչպես երբեք, արժանի է Եվրոպային»,- գրել է Խվիչան սոցիալական ցանցերում։

Ընդդիմության հերթական բողոքի ցույցը Վրաստանում սկսվեց հինգշաբթի՝ նոյեմբերի 28-ին, այն բանից հետո, երբ վարչապետ Իրակլի Կոբախիձեն հայտարարեց, որ կասեցնում է երկրի Եվրոպական միությանն անդամակցության բանակցությունների սկսման հարցի քննարկումը մինչև 2028 թվականը։

Թբիլիսիում ցուցարարները հավաքվում են խորհրդարանի շենքի մոտ՝ Ռուսթավելի պողոտայում երթևեկությունը կաթվածահար անելով։ Բացի Թբիլիսիից բողոքի ցույցեր են ընթանում Բաթումում, Զուգդիդիում, Քութայիսիում և Թելավիում։ Հաղորդվում է նաև, որ հանրահավաքի մասնակիցները փակել են Զուգդիդի-Մեստիա ավտոճանապարհը։

Հիշեցնենք, որ Հայաստանի ընտրանին Վրաստանի հավաքականին կհանդիպի ՈւԵՖԱ Ազգերի լիգայի փլեյ-օֆֆի շրջանակում։ Հանդիպումնները կկայանան գալիք տարվա մարտին։