«Բորնմուտի» կիսապաշտպան Ջասթին Կլյուվերտը խոսել է «Վուլվերհեմփթոնի» հետ խաղում 11 մետրանոցից իր հեթ-տրիկի մասին (4-2).
«Պատմություն ստեղծելը միշտ զարմանալի է, ես շատ գոհ եմ: Իհարկե, ես միշտ 11 մետրանոցներ եմ մարզում, մենք մեր թիմում ունենք հիանալի դարպասապահ՝ Կեպան, մենք նրա հետ մարզվում ենք մարզումների ժամանակ։ Որտե՞ղ կդնեմ այս գնդակը: Ես այն կդնեմ իմ աղջկա սենյակում և կսպասեմ նրան փետրվարին»,- Կլյուվերտի խոսքերն է մեջբերում BBC-ն:
Ավելի վաղ արդեն գրել էինք, որ Ջասթին Կլյուվերտը Անգլիայի Պրեմիեր լիգայի ռեկորդ է սահմանել. Կլյուվերտը երկու 11 մետրանոց է իրացրել «Վուլվերհեմփթոնի» հետ հանդիպման 18-րդ րոպեին։ Եվ սա ամենավաղ դեպքն է, երբ թիմը երկու 11 մետրանոց է իրացրել Պրեմիեր լիգայի մեկնարկից ի վեր:
Հոլանդացի կիսապաշտպանը հեթ-տրիկի հեղինակ է դարձել 13-րդ տուրի «Վուլվերհեմփթոնի» հետ խաղում։ Նա գոլի հեղինակ դարձավ 3-րդ, 18-րդ և 74-րդ րոպեներին։ Երեք գոլերն էլ գրանցեցին 11 մետրանոցներից։ Դա տեղի ունեցավ ԱՊԼ-ի պատմության մեջ առաջին անգամ։ Միևնույն ժամանակ, բոլոր 11 մետրանոցները վաստակել է հարձակվող Էվանիլսոն Բարբոսան. այդպիսի բան ևս երբեք չի եղել Պրեմիեր լիգայում:
