Անգլիայի առաջնության 10-րդ տուրի՝ «Նյուքասլից» կրած պարտությունը «Արսենալի» համար այս մրցաշրջանում երկրորդ անընդմեջ պարտությունն էր արտագնա խաղում:
Վերջին անգամ Անգլիայի Պրեմիեր լիգայի արտագնա խաղերում «Արսենալը» երկու անընդմեջ պարտություն կրել էր 2022 թվականի մայիսին, երբ «զինագործները» նախ 0։3 հաշվով պարտվել էին «Տոտենհեմին», ապա՝ 0։2 հաշվով զիջել «Նյուքասլին»։
Անգլիայի Պրեմիեր լիգայի ընթացիկ մրցաշրջանի 10 հանդիպումներից հետո «Արսենալը» վաստակել է 18 միավոր և այժմ չորրորդ տեղում է։ Հաջորդ տուրում լոնդոնյան ակումբը կհանդիպի «Չելսիի» հետ։ Խաղը կկայանա նոյեմբերի 10-ին։ Խաղը կմեկնարկի Երևանի ժամանակով 20:30-ին:
