Չեմպիոնների լիգայի 2024/25թթ․ մրցաշրջանի առաջին տուրում կկայանա մրցաշարի 2023 թվականի եզրափակչի ռիմեյքը՝ «Մանչեսթեր Սիթիի» և «Ինտերի» մասնակցությամբ:
Հանդիպումը կկայանա «Էթիհադ» մարզադաշտում: «Մանչեսթեր Սիթին» Չեմպիոնների լիգայի շրջանակում տանը 31 հանդիպում անընդմեջ դեռ չի պարտվել:
Հանդիպումը կմեկնարկի Երևանի ժամանակով 23։00-ին։
Հանդիպման մրցավարը՝ Գլեն Նյուբերգ
Հետաքրքիր փաստեր
Մաթեո Կովաչիչը 2013-ից 2015 թթ․-ին հանդես է եկել «Ինտերի» կազմում: Ա Սերիայում անցկացրած 80 խաղում դարձել է 5 գոլի հեղինակ
Իլկայ Գյունդողանն ու Հենրիխ Մխիթարյանը 2013-ից 2016 թթ․-ին միասին հանդես են եկել Դորտմունդի «Բորուսիայում»
Հենրիխ Մխիթարյանը, Մաթեո Դարմիանը և Մարկո Արնաուտովիչը խաղացել են Անգլիայում: Մեր ընտրանու նախկին ֆուտբոլիստը հանդես է եկել «Մանչեսթեր Յունայթեդում» և «Արսենալում»
Նաթան Ակեն և Ստեֆան դե Վրեյը, ինչպես նաև Դենզել Դամֆրիսը խաղընկերներ են Նիդերլանդների ընտրանու կազմում: Ազգային ընտրանու կազմերում խաղընկերներ են նաև Մանուել Ականջին և Յան Սոմերը (Շվեյցարիա), Ռոդրին և Խոսեպ Մարտինեսը (Իսպանիա), Էդերսոնը, Սավինյոն և Կառլոս Աուգուստոն (Բրազիլիա)
Mirror-ը հայտնում է, որ նորվեգացի հարձակվող Էրլինգ Հալանդն այսօր երեկոյան կարող է շրջանցել Քրիշտիանու Ռոնալդուին
Գոլ խփելու դեպքում Հալանդը կդառնա մեկ ակումբում 100 ամենաարագ գոլ խփած ֆուտբոլիստը: Հալանդը 103 խաղում 99 գոլ է խփել «Մանչեսթեր Սիթիի» կազմում: Ռոնալդուն 2012 թվականին «Ռեալում» 100-ի շեմն անցել է 105 խաղում
Ով կխաղա
«Մանչեսթեր Սիթի»՝ Էդերսոն, Ուոքեր, Ռուբեն Դիաշ, Ականջի, Գվարդիոլ, Ռոդրի, Բերնարդու Սիլվա, Դե Բրույնե, Ֆոդեն, Դոկու, Հալանդ
Չեն խաղա՝ Բոբ, Ակե
Հարցականի տակ է՝ Սավինյո
«Ինտեր»՝ Սոմեր, Պավար, Աչերբի, Բաստոնի, Դարմիան, Բարելա, Չալհանօղլու, Մխիթարյան, Կառլոս Աուգուստո, Թյուրամ, Լաուտարո Մարտինես
Չեն խաղա՝ Արնաուտովիչ, Բյուկենեն, Դիմարկո
