ՉԼ-ի սպասումով․ Ռեալ — Շտուտգարտ․ անոնս

Չեմպիոնների լիգան վերադառնում է նոր ձևաչափով։ 2021 թվականին գերակումբների կողմից Սուպերլիգա ստեղծելու անհաջող փորձից հետո ՈւԵՖԱ-ն փոփոխություն է մտցրել Եվրոպայի գլխավոր ակումբային մրցաշարում։

Փոփոխությունները, կարծես, ոչ ոքի դուր չի եկել։ Մարզիչներն ու ֆուտբոլիստները դժգոհ են հանդիպումների մեծ քանակից, իսկ երկրպագուները չեն հասկանում նորամուծությունները և պահանջում են վերադարձնել հին օրհներգը։

Տարբերություն զգացի՞ք․ իրականում կան փոփոխություններ։ Փոփոխության պատճառը, հնարավոր է, ավելի երիտասարդ լսարանի համար է եղել, որը փորձում է ամեն ինչում արդիական և նորաձև լինել:

Պետք է հիշել նաև, որ այսօրվա աշխարհն ամեն ինչ տանում է դեպի մինիմալիստական ոճ: Ամեն ինչ պարզեցվում է, ամեն ինչ դառնում է առավել քան հասարակ:

Ինչևէ․ անցնենք այսօրվա կայանալիք հանդիպումներից մեկին, որը, իհարկե, շատ երկրպագուների է հետաքրքրում։

Այսօր՝ սեպտեմբերի 17-ին, Չեմպիոնների լիգայի 1-ին տուրի շրջանակում Մադրիդի «Ռեալը» սեփական հարկի տակ՝ «Սանտիագո Բեռնաբեու» մարզադաշտում կմրցի գերմնական «Շտուտգարտի» հետ:

Հանդիպումը կմեկնարկի Երևանի ժամանակով 23։00-ին։

Հանդիպման մրցավարը՝ Հալիլ Մելեր

• Թիմերի առաջին հանդիպումը ՉԼ-ում
• «Ռեալը» մրցաշարի գործող չեմպիոնն է

Diario AS-ը նշում է, որ «գալակտիոսը կրկին ամբողջական է, քանի որ շարք է վերադարձել Բելինգեմը»: Նշվում է նաև, որ Միլիտաոն լինելու է իր հիմնական դիրքում

Գերմանական ակումբի մարզումը

«Ռեալի» այսօրվա մարզումը

«Յուրաքանչյուր մրցաշարի առաջին խաղերը շատ կարևոր են՝ հաշվի առնելով նոր ձևաչափը և մեր տնային կարգիավիճակը: Այս մրցաշարը մեծ կարևորություն ունի «Ռեալի» համար: Կփորձենք առաջին րոպեներից ամբողջ ուժով նետվել առաջ և հասցնել մրցակցի հնարավորությունները նվազագույնի»,- «արքայական ակումբի» պաշտպան Դանի Կարվախալի խոսքերն է մեջբերում ՈւԵՖԱ-ի պաշտոնական կայքը:

«Շտուտգարտի» մարզիչ Սեբաստյան Հենեսը նախորդ մրցաշրջանում ֆանտաստիկ աշխատանք է կատարել: Կարևոր խաղացողներից ենք զրկվել՝ ի դեմս Կրոսի, Նաչոյի և Խոսելուի: Խոսելուին եկել է փոխարինելու լավագույն կամ աշխարհի լավագույններից մեկը: Կարծում եմ՝ նախորդ մրցաշրջանի համեմատ մեր ներկայիս կազմն ավելի հզոր է»,- ասել է «սերուցքայինների» գլխավոր մարզիչ Կառլո Անչելոտին:

«Ցանկանում ենք վստահ խաղալ և լավ ֆուտբոլ ցուցադրել: Դա կբարձրացնի մեր հնարավորությունները՝ լավ արդյունք ստանալու համար: Մենք հարգանքով ենք վերաբերվում մի մրցակցի, որը փայլուն որակներ ունի: Ցանկանում ենք զարմացնել մեր երկրպագուներին և ցույց տալ մեր կարողությունները Չեմպիոնների լիգայում՝ խաղալով այնպես, ինչպես անում ենք դա Բունդեսլիգայում»,- ասել է «Շտուտգարտի» գլխավոր մարզիչ Սեբաստյան Հենեսը:

«Յուրաքանչյուր ֆուտբոլիստ էլ ցանկանում է խաղալ աշխարհի ամենահայտնի մարզադաշտերից մեկում՝ «Սանտիագո Բեռնաբեու»-ում: Միաժամանակ, մարզադաշտը չպետք է մեզ վախեցնի: Սա իմ առաջին հանդիպումն է Չեմպիոնների լիգայում: Յուրահատուկ իրավիճակ է՝ ՉԼ-ում մրցակցել Մադրիդի «Ռեալի» հետ: Դու միշտ ցանկանում ես մրցել լավագույնների հետ: Սպասումներն անհավանական են: Մենք պետք է ամբողջ թիմով պաշտպանվենք: «Ռեալի» կազմում խաղում են իրենց դիրքերում հանդես եկող լավագույն ֆուտբոլիստները: Սխալվել չենք կարող»,- ասել է «Շտուտգարտի» հարձակվող Դենիզ Ունդավը:

Ով կխաղա

«Ռեալ»՝ Կուրտուա, Կարվախալ, Միլիտաո, Ռուդիգեր, Ֆրան Գարսիա, Վալվերդե, Չուամենի, Բելինգեմ, Ռոդրիգո, Մբապե, Վինիսիուս
Չեն խաղա՝ Ալաբա, Կամավինգա, Սեբալյոս, Բրահիմ Դիաս

«Շտուտգարտ»՝ Նյուբել, Վագնոման, Չեյս, Հաբոլտ, Միտելշտեդտ, Ռիդեր, Կարազոր, Շտիլեր, Լևելինգ, Ունդավ, Դեմիրովիչ
Չեն խաղա՝ Ալ Դահիլ, Ստերգիու
Հարցականի տակ է՝ Կրետցիգ