«Միլանի» հարձակվող Ալվարո Մորատան մեկնաբանել է «Տորինոյի» հետ ոչ-ոքին (2-2) Իտալիայի 2024/25 առաջնության 1-ին տուրի խաղում։
«Սա լավագույն դեբյուտը չէ, քանի որ մենք չհաղթեցինք: Թիմը գործնականում պասիվ էր խաղում, բայց մենք, այնուամենայնիվ, շրջեցինք իրավիճակը։
Եթե հինգ րոպե ավելի խաղայինք, «Միլանը» կհաղթեր։ Այնուամենայնիվ, մենք պետք է վերադառնանք աշխատանքին և փոխենք մեր մտածելակերպը, քանի որ մեզ անհրաժեշտ է հաղթել տանը»,- Մորատայի խոսքերն է մեջբերում Football Italia-ն:
Հաջորդ խաղում «Միլանը» օգոստոսի 24-ին արտագնա խաղում կխաղա «Պարմայի» հետ, իսկ «Տորինոն» օգոստոսի 25-ին կընդունի «Ատալանտային»:
