Արգենտինայի հավաքականի ավագ Լիոնել Մեսսին 2024 թվականի Ամերիկայի գավաթի խաղարկության եզրափակիչում Կոլումբիայի հավաքականին հաղթելուց հետո (1։0) իր instagram-յան էջում լուսանկար է հրապարակել Կոպա Ամերիկայի երկու գավաթները ձեռքին։
Եզրափակիչ հանդիպումը կայացել է Մայամիի «Հարդ Ռոք» մարզադաշտում։ Հանդիպման հիմնական ժամանակը ավարտվել է 0։0 հաշվով։ Խաղի միակ և հաղթական գոլը 112-րդ րոպեին խփել է աշխարհի գործող չեմպիոնների հարձակվող Լաուտարո Մարտինեսը՝ Ջովանի Լո Սելսոյի փոխանցումից։
Հիշեցնենք, որ Լեոն չի կարողացել ավարտել խաղն ու հարկադրված փոխարինվել է 66-րդ րոպեին՝ կոճի վնասվածքի պատճառով։
