«Նյուքասլի» հարձակվող Կալում Ուիլսոնը չի ցանկացել ընթացիկ ձմեռային տրանսֆերային պատուհանում տեղափոխվել «Միլան»։ Այս մասին հայտնում է լրագրող Ֆաբրիցիո Ռոմանոն X սոցիալական ցանցում (նախկինում՝ Twitter):
Աղբյուրի տեղեկություններով, ֆուտբոլիստն այս որոշումը կայացրել է մեծապես այն պատճառով, որ ռոսոներիները նրան առաջարկել են խաղալ ոչ հիմնական դիրքում: Ուիլսոնը վստահ է, որ չի կարողանա կանոնավոր հանդես գալ իտալական ակումբում, քանի որ թիմի բոլոր հարձակվողները լավ մարզավիճակում են։
Ուիլսոնը «Նյուքասլում» հանդես է գալիս 2020 թվականից։ Այս մրցաշրջանում հարձակվողը թիմի կազմում անցկացրել է 20 հանդիպում բոլոր մրցաշարերում, որոնցում դարձել է ութ գոլի և մեկ գոլային փոխանցման հեղինակ։ Ֆուտբոլիստի պայմանագիրն անգլիական ակումբի հետ ուժի մեջ է մինչև 2025 թվականի հունիսի վերջը։
