«Չելսիի» գլխավոր մարզիչ Ֆրենկ Լեմպարդը խոսել է «Մանչեսթեր Սիթիի» հարձակվող Էրլինգ Հոլանդի մասին։
«Ես շատ եմ հարգում Էրլինգ Հոլանդին: Սա այն խաղացողն է, որին ես ցանկանում էի տեսնել «Չելսիում», երբ մարզում էի այն (առաջին անգամ):
Շատ էի ուզում ստանալ նրան, բայց դա տեղի չունեցավ: Նրա մակարդակն ակնհայտ էր, երբ «Չելսին» խաղում էր «Զալցբուրգի» դեմ, իսկ Էրլինգը նրանց կազմում էր:
Պետք է նրան արժանին մատուցել։ Ինձ դուր է գալիս դիտել այս մակարդակի խաղացողներին:
Ինչ վերաբերում է նրան դիմակայելուն, պետք է ծրագիր և գաղափար լիներ, բայց նման մակարդակի խաղացողները կարող են ամեն ինչ անել ցանկացած պահի»,-Լեմպարդի խոսքերն է փոխանցում Sky Sports-ը։
