«Լիվերպուլի» գլխավոր մարզիչ Յուրգեն Կլոպը խոսել է Անգլիայի Պրեմիեր լիգայի 32-րդ տուրում «Նոթինգհեմի» նկատմամբ տարած հաղթանակի մասին։
«Դժվար հանդիպում էր՝ ցածր բլոկով պաշտպանվող թիմի դեմ: Առաջին խաղակեսը շատ բարդ ստացվեց, մենք այդքան պահեր չստեղծեցինք, բայց և մրցակցին հնարավորություն չտվեցինք։ Դա կարևոր է։
Պետք է միշտ լավ սկսել հանդիպումը, որի դեպքում հնարավոր է դառնում վերահսկել այն։ Ստանդարտից հետո Ժոտան հիանալի պահ ունեցավ, բայց հետո խաղի մեջ կարևոր դեր սկսեցին խաղալ եզրային նետումները։
Ի վերջո, բոլոր գոլերը խփեցինք ստանդարտներից, ինչն անսովոր է։ Բայց գլխավորն այն է, որ մենք արժանի էինք երեք միավորի։
Մենք մրցակցին թույլ տվեցինք չափազանց հեշտությամբ երկու գոլ խփել։ Նման խաղում պետք է վերահսկել գնդակը։
Ինչ վերաբերում է Պրեմիեր լիգայի թոփ-4-ում տեղին, ապա այժմ մենք դրա հետ կապ չունենք։ Տեսնենք, թե ինչ կլինի մի քանի շաբաթից»,- ասել է «Լիվերպուլի» գլխավոր մարզիչը Sky Sports-ի հետ զրույցում։
