«Մանչեսթեր Յունայթեդի» գլխավոր մարզիչ Էրիկ տեն Հագը մտադիր է զգալիորեն թարմացնել իր թիմի կազմը մինչև 2023/2024 թթ․ մրցաշրջանի մեկնարկը, հայտնում է The Telegraph-ը։
Ըստ աղբյուրի՝ ակումբը կարող է բաժանվել 15 խաղացողներից։ Հարի Մագուայրը, Վիկտոր Լինդելյոֆը և Անտոնի Մարսիալը այն խաղացողների, որոնք կարող են հեռանալ թիմից արդեն գալիք ամառային տրանսֆերային պատուհանի ժամանակ։ «Մանչեսթեր Յունայթեդի» գլխավոր մարզիչը որոշում է կայացրել նաև այլ խաղացողների ապագայի վերաբերյալ․ Աարոն Վան-Բիսակայի, Ֆրեդի և Դոնի վան դե Բեկի ապագան թիմում նույնպես անորոշ է։
Հաղորդվում է նաև, որ Էրիկ Բային և Ալեքս Տելլեսը, որոնք վարձավճարով հանդես են գալիս «Մարսելում» և «Սևիլիայում», չեն համապատասխանում մարզչի պահանջներին։ Ֆիլ Ջոնսը և Ակսել Տուանզեբեն կլքեն ՄՅՈւ-ն մրցաշրջանի ավարտից հետո։
Դարպասապահ Դին Հենդերսոնը, որը վարձավճարով հանդես է գալիս «Նոթինգհեմ Ֆորեսթում», կարող է նույնպես հեռանալ թիմից։
Էնթոնի Էլանգան և Բրենդոն Ուիլյամսը կարևոր դեր չունեն Էրիկ տեն Հագի ծրագրերում և դիտարկում են ակումբային գրանցումը փոխելու տարբերակները։
Սքոթ Մաքթոմինեյը կանոնավոր կերպով խաղում է հոլանդացի մարզչի գլխավորությամբ, սակայն նրա ապագան նույնպես անորոշ է։ Շոտլանդացին ցանկանում է ավելի շատ խաղաժամանակ ստանալ։ Կիսապաշտպանով հետաքրքրված է «Նյուքասլը»:
