Օլիմպիական կրկնակի չեմպիոնը ավիավթարից հետո ողջ է մնացել

Աթլետիկայի կրկնակի օլիմպիական չեմպիոն, քենիացի  Դևիդ Ռուդիշան ողջ է մնացել ավիավթարից հետո:

Միջադեպը տեղի է ունեցել Քենիայում։ Փոքր ինքնաթիռը խնդիրներ է ունեցել օդ բարձրանալուց  հետո։ Անձնակազմը ստիպված է եղել վայրէջք կատարել ոչ հարթ տարածության վրա: Ուղևորներից մի քանիսը վնասվածքներ են ստացել. զոհեր չկան:

Հիշեցնենք, որ 3 տարի առաջ նույնպես Ռուդիշան հրաշքով ողջ էր մնացել՝ մեքենայով  մարդատար ավտոբուսին բախվելուց հետո։