Իսպանական Լա լիգայի 2026/2027 մրցաշրջանի 8-րդ տուրում առաջնության առաջատար «Բարսելոնան» «Սպոտիֆայ Կամպ Նոու» մարզադաշտում հյուրընկալեց «Խետաֆեին»։ Խեսուս Խիլ Մանսանոյի սպասարկած հանդիպումն ավարտվեց դաշտի տերերի՝ 3։0 հաշվով վստահ հաղթանակով։
Կատալոնացիները խաղը սկսեցին կայծակնային արագությամբ. արդեն 2-րդ րոպեին կիսապաշտպան Էնթոնի Գորդոնը բացեց հաշիվը։ 30-րդ րոպեին հարձակվող Գաբրիել Ժեզուսը կրկնապատկեց «կապտանռնագույնների» առավելությունը, իսկ հանդիպման վերջնակետը 73-րդ րոպեին դրեց տանտերերի պաշտպան Ժյուլ Կունդեն։
Այս հաղթանակից հետո «Բարսելոնան» շարունակում է ցուցադրել բացարձակ արդյունք՝ 8 խաղից վաստակելով 24 միավոր, և վստահորեն գլխավորում է Լա լիգայի մրցաշարային աղյուսակը։
«Խետաֆեն» իր ակտիվում ունի 8 միավոր և զբաղեցնում է 14-րդ հորիզոնականը։
Հաջորդ տուրում՝ հոկտեմբերի 17-ին, «Բարսելոնան» արտագնա խաղում ուժերը կչափի «Բետիսի» հետ, իսկ «Խետաֆեն» հոկտեմբերի 19-ին սեփական հարկի տակ կընդունի «Ռայո Վալյեկանոյին»։
Տեսանյութը՝ ԱՅՍՏԵՂ
Լա Լիգայի մրցաշարային աղյուսակն այս պահին
