Սաուդյան Արաբիայի ֆուտբոլի ֆեդերացիայի նախագահ Յասեր Ալ-Միսեխալը հերքել է տեղեկությունը, թե հավաքականի ֆուտբոլիստները Rolls Royce են նվեր ստացել ԱԱ-2022-ի խմբային փուլում Արգենտինային 2-1 հաշվով հաղթելու համար։
«Ոչ, ոչ, ոչ։ Մեր խաղացողները հպարտությամբ են խաղացել՝ ներկայացնելով մեր ազգը։ Նրանք պատիվ ու հաջողություն են ունեցել Արգենտինայի դեմ պատմական խաղում հավաքականը ներկայացնելու համար։ Շշուկներն իրականությանը չեն համապատասխանում։
Իհարկե, նրանք բոնուս են ստացել, բայց դա նորմալ բոնուս էր։ Դրա համար կանոնակարգ կա։ Նրանք բոնուսների համար չեն խաղում, այլ իրենց երկրի։ Որ պատմություն կերտեն։ Արգենտինայի դեմ խաղից հետո նրանցից շատերը հայտնի դարձան»,- նախագահի խոսքերն է փոխանցում Marca-ն։
