Աշխարհի 2022 թվականի առաջնության խմբային փուլի 2-րդ տուրում Խորվաթիայի հավաքականը 4-1 հաշվով հաղթել է Կատարին։ Այս խաղում խորվաթների կիսապաշտպան Իվան Պերիշիչը երկու գոլային փոխանցման հեղինակ է դարձել, ինչի շնորհիվ հավաքականում ռեկորդ է սահմանել խոշոր մրցաշարերում գոլային փոխանցումների քանակով (16)։ Այս մասին հայտնում է Opta Sports-ը։
Պերիշիչը նաև դարձել է աշխարհի առաջնություններում ամենատարեց խաղացողներից մեկը, որը երկու գոլային փոխանցում է կատարել։ Այս պահին նա 33 տարեկան 298 օրական է և այս ցուցանիշով երրորդն է աշխարհում՝ հունգարացի Լասլո Ֆազեկաշից և դանիացի Միքայել Լաուդրուպից հետո։
Այս հաղթանակի շնորհիվ Խորվաթիայի հավաքականը 4 միավոր է վաստակել և F խմբում զբաղեցրել է առաջին հորիզոնականը։ Թիմն իր հաջորդ հանդիպումը կանցկացնի Բելգիայի հետ։ Այդ խաղը կկայանա դեկտեմբերի 1-ին և կմեկնարկի ժամը 19։00-ին։
