«Մանչեսթեր Սիթին» պաշտոնապես հայտարարեց Դորտմունդի «Բորուսիայի» հարձակվող Էրլինգ Հոլանդի տրանսֆերը ձեռք բերելու մասին։
Ինչպես տեղեկացնում է «քաղաքաբնակների» պաշտոնական կայքը, նորվեգացին ակումբի շարքերը կհամալրի հուլիսի 1-ից։ Տրանսֆերի արժեքը կազմելու է 75 միլիոն եվրո։
Ըստ աղբյուրի՝ այս պահին կատարվում են գործարքը վերջնականապես ձևակերպելու վերջին աշխատանքները։ Ընթացիկ մրցաշրջանում 21-ամյա ֆուտբոլիստը մասնակցել է 29 հանդիպման՝ դառնալով 28 գոլի և 8 գոլային փոխանցման հեղինակ։
