VBET ՀՊԼ 26-րդ տուրում «Ուրարտուն» ընդունել էր «Նոային»։ Թիմերը երկուական գնդակ ուղարկեցին միմյանց դարպասը։
Հանդիպման հաշիվը բացվեց 32-րդ րոպեին․ մրցավարի նշանակած 11-մետրանոցը դիպուկ իրացրեց հյուրերի ֆուտբոլիստ Մաքսիմ Մայրովիչը։ 6 րոպե անց 11-մետրանոց նշանակվեց այս անգամ «Նոայի» դարպասին․ գնդակն ուղիղ ցանցի մեջ ուղարկեց Արթուր Միրանյանը, բայց վայրկյաններ անց Ալեշանդրե Օլիվեյրան վերականգնեց հյուրերի առավելությունը։
«Ուրարտուին» պարտությունից փրկեց Արթուր Միրանյանը, որը 52-րդ րոպեին դուբլ ձևակերպեց։
Այս խաղից հետո թիմերի դիրքը մրցաշարային աղյուսակում չփոխվեց․ «Ուրարտուն» 27 միավորով մնաց 6-րդ, իսկ «Նոան» 29 միավորով՝ 5-րդ տեղում։
