Արյունակիցները. Եղբայրները մեծ ֆուտբոլում

Օրեր առաջ իրենց ծննդյան 40-րդ տարեդարձը նշեցին Հայաստանի հավաքականի նախկին ֆուտբոլիստներ Արման և Արտավազդ Քարամյանները: Երեկ էլ Բելգիայի հավաքականի կազմում փայլեցին եղբայրներ Էդեն և Տորգան Ազարները՝ ջախջախիչ հաղթանակ տանելով Ռուսաստանի ընտրանու նկատմամբ:

Ներկայացնում ենք համաշխարհային ֆուտբոլի «եղբայրներին».

Էդեն և Տորգան Ազար

Բացի Տորգանից և Էդենից, Ազարներն ունեն ևս երկու եղբայր, ովքեր ֆուտբոլ են խաղում, բայց դեռ լուրջ հաջողությունների չեն հասել: Էդեն Ազարը վաղուց համարվում էր իր սերնդի գլխավոր տաղանդներից մեկը և, ընդհանուր առմամբ, ապրում է իր կարգավիճակի համաձայն: Տորգանը դեռ չի կարող պարծենալ նման գլխապտույտ կարիերայով, բայց կա հաջողություն. վերջին մեկ տարվա ընթացքում նրան անընդհատ հրավիրել են Բելգիայի հավաքական, և այս տարի նա համալրեց գերմանական գրանդներից մեկի՝ «Բորուսիայի« կազմը:

Ժերոմ և Պրինց Բոատենգներ

Ժերոմն ու Պրինցը տարբեր մայրեր ունեն, հանդես են գալիս տարբեր հավաքականներում՝ Գերմանիայի և Գանայի համապատասխանաբար (իրենց հոր հայրենիքն է)։ Երկուսն էլ դեռ պատանեկան տարքից ներկայացնում էին Գերմանիայի տարբեր տարիքային երիտասարդական հավաքականները:

Ռոմելու և Ջորդան Լուկակուներ

Ռոմելուի ու Ջորդանի հայրը նույնպես պրոֆեսիոնալ ֆուտբոլիստ էր, խաղում էր «Զաիր» թիմի կազմում: 16 տարեկան հասակում Ռոմելուն իր նորամուտը նշեց Անդերլեխտում, և այդ ժամանակվանից սկսվեց նրա վերելքը, իսկ ներկայումս նա Բելգիայի հավաքականի բոլոր ժամանակների լավագույն ռմբարկուն է: Կրտսեր եղբայրը՝ Ջորդանը, միայն վերջին երկու տարում սկսեց առաջ գնալ, պայմանագիր կնքեց «Լացիոյի» հետ, և այժմ նրան հրավիրում են Բելգիայի Ազգային հավաքական:

Պոգբաներ…

Պոգբաների ընտանիքն ունի գվինեական արմատներ: Եղբայրներից ամենաերիտասարդը՝ Պոլը, դարձավ ամենահաջողակը: «Մանչեսթեր Յունայթեդի» աստղի ֆոնին նրա երկվորյակ եղբայրները ՝ Մաթիասը և Ֆլորենտինը, «աննկարագրելի» կարիերա են անցկացնում ցածր լիգաներում:

Գրանիտ և Տաուլանտ Ջակա

Ինչպես և Բոատենգ եղբայրները, Ջական և Տաուլանտը հանդես են գալի տարբեր հավաքականներում: Ջական հանդես է գալիս Շվեյցարիայի հավաքականում, իսկ Տաուլանտը՝ Ալբանիայի: Եվրո 2016-ում նրանք խաղացին իրար դեմ Շվեյցարիա-Ալբանիա խաղում:

Անտոն և Ալեքսեյ Միրանչուկներ

Ռուսաստանի հավաքականի երկվորյակ ֆուտբոլիստները դեռևս միասին հանդես են գալիս «Լոկոմոտիվի» կազմում:

Սվեն և Լարս Բենդերներ

Ո՛չ, Սվենը «Ֆուտուրամա» մուլտֆիլմի հերոսի հետ ոչ մի կապ չունի, չնայած կրում են նույն ազգանունը: 2016-ին նրանք միասին արծաթ են վերցրել Ռիոյի Օլիմպիական խաղերում:

Էլ ու՞մ կարելի է հիշել…