Ամերիկացի մարտիկ Թոնի Ֆերգյուսոնը, ով հոսպիտալացվել է Ֆլորիդայի Ջեքսոնվիլ քաղաքում անցկացվող UFC 249 մրցաշարի ավարտից հետո, հայրենակից Ջասթին Գեյջիի հետ մրցավեճում ստացել է այտի ուղեծրային ոսկորի կոտրվածք: Այդ մասին հայտնում է Yahoo Sports պորտալը՝ մեջբերելով UFC նախագահ Դենի Ուայթի հայտարարությունը:
Ինքը՝ Ֆերգյուսոնը, Instagram-ում տեղադրել է լուսանկար:
Հիշեցնենք, որ UFC-249 մրցաշարի գլխավոր մենամարտում մրցեցին Թոնի Ֆերգյուսոնն ու Ջասթին Գեթժին: Խաղասեղանին դրված են թեթև քաշային կարգում աշխարհի չեմպիոնի տիտղոսը: Մենամարտը ձգվեց 5 ռաունդ: Սկզբում առավելությունը Ֆերգյուսոնի կողմն էր, սակայն հետզհետո Գեթժին հավասարեցրեց մենամարտը, իսկ 5-րդ ռաունդում՝ մենամարտի ավարտից 30 վայրկյան առաջ, մրցավարը ստիպված էր կանգնեցնել մենամարտը, քանի որ Ֆերգյուսոնը գտնվում էր ծանր իրավիճակում:
Հայտնի է դարձել նաև, որ Ֆերգյուսոնը մարտից հետո տեղափոխվել է հիվանդանոց, բայց, բարեբախտաբար, նա լուրջ վնասվածքներ չի ստացել:
