Անգլիայի Պրեմիեր լիգայի 2026/2027 մրցաշրջանի անդրանիկ տուրում «Մանչեսթեր Սիթին» սեփական հարկի տակ ուժերը չափեց «Բորնմութի» հետ։
Մանչեսթերի «Էթիհադ» մարզադաշտում կայացած դրամատիկ հանդիպումն ավարտվեց «քաղաքայինների» կամային հաղթանակով՝ 2։1 հաշվով։
Հանդիպման հաշիվը 26-րդ րոպեին բացեց հյուրերի կիսապաշտպան Մարկուս Տավերնիեն, և երկար ժամանակ դաշտի տերերին չէր հաջողվում վերականգնել հավասարությունը։ Էնցո Մարեսկայի թիմը խաղը փրկեց բուն ժամանակի ավարտին մոտ. 85-րդ րոպեին Մարկ-Իզրայել Գեհին խփեց պատասխան գնդակը, իսկ արդեն գլխավոր մրցավար Ջարեդ Ջիլեթի կողմից ավելացված ժամանակում՝ 90+2-րդ րոպեին, Յոշկո Գվարդիոլը դարձավ հաղթական գոլի հեղինակ՝ 3 միավոր պարգևելով «Սիթիին»։
ԱՊԼ-ի երկրորդ տուրում «Մանչեսթեր Սիթին» օգոստոսի 28-ին կմրցի «Քրիսթալ Փելասի» հետ, իսկ «Բորնմութն» օգոստոսի 29-ին կխաղա «Էվերթոնի» դեմ։
Հիշեցնենք, որ ԱՊԼ-ի նախորդ մրցաշրջանի արդյունքներով «Մանչեսթեր Սիթին» վաստակել էր 78 միավոր և զբաղեցրել 2-րդ հորիզոնականը, իսկ «Բորնմութը» 57 միավորով եզրափակել էր լավագույն վեցյակը։
Տեսանյութը՝ ԱՅՍՏԵՂ
Մրցաշարային աղյուսակն այս պահին
