Նատալիա Բելոլին՝ «Բարսելոնայի» և Բրազիլիայի հավաքականի վինգեր Ռաֆինյայի կինը, արձագանքել է ամուսնու ֆինանսական խնդիրների վերաբերյալ շրջանառվող լուրերին։
Ավելի վաղ Բրազիլիայի հավաքականի նախկին ֆուտբոլիստ Վամպետան հայտարարել էր, որ Ռաֆինյան ցանկանում է տեղափոխվել Սաուդյան Արաբիա՝ լուրջ ֆինանսական և ընտանեկան խնդիրների պատճառով։ Դրանից հետո Portal LeoDias-ը մանրամասներ էր հրապարակել կատալոնական ակումբի ֆուտբոլիստի ենթադրյալ ֆինանսական դժվարությունների մասին՝ նշելով, որ գովազդային եկամուտների 80%-ը ստացել է նրա հայրը, իսկ անձամբ խաղացողին բաժին է հասել ընդամենը 20%-ը։
«Անկեղծ ասած, ինձ համար աբսուրդ է, որ ստիպված եմ խոսել մեր ֆինանսական վիճակի մասին։ Եթե մենք հիմա վաստակեինք այն գումարի թեկուզ 10%-ը, ինչ վաստակում է Ռաֆինյան, արդեն իսկ երջանիկ կլինեինք։ Ես իմաստ չեմ տեսնում դա ի ցույց դնել իմ սոցիալական ցանցերում, քանի որ քաջ գիտակցում եմ, թե ինչ հասարակության մեջ ենք ապրում։
Եթե ես գրառում անեի ու ասեի՝ «Լսե՛ք, ես աղքատ չեմ, ես դեռ հարուստ եմ», ինձ կմեղադրեին մեծամտության մեջ։ Կարծում էի՝ այս պատմությունը կմոռացվի, բայց բամբասանքներն արդեն հասել են Իսպանիա, և բոլորը կարծում են, թե մենք սնանկացել ենք»,- Նատալիայի խոսքերն է մեջբերում CNN Brasil-ը։
Նշենք, որ ներկայումս Ռաֆինյան Բրազիլիայի հավաքականի ճամբարում է և մասնակցում է Աշխարհի 2026 թվականի առաջնությանը։ Հաիթիի ազգային թիմի դեմ խաղի (3:0) առաջին խաղակեսում վինգերը աջ ազդրի վնասվածք էր ստացել, սակայն նա արդեն ավարտում է ապաքինման փուլն ու պատրաստ կլինի առաջիկա հանդիպումներին։
