Գերմանիայի փոխոստիկանապետ Յորգ Ռադեկը հայտնել է, որ համամիտ չէ մայսիսի 9-ին Բունդեսլիգայի վերսկսման գաղափարի հետ.
«Նախ ցանկանում եմ ասել, որ Գերմանիայի ոստիկանությունը ֆուտբոլային խաղերին սկզբունքայնորեն դեմ չէ: Ես հասկանում եմ, որ բավական է հին խաղեր դիտել, բայց մենք չպետք է մոռանանք, թե ինչ իրավիճակում ենք գտնվում: Գերմանական ֆուտբոլային լիգան պետք է մշակի մրցաշրջանի վերսկսման ծրագիր, քանի որ բոլոր ասպեկտները հաշվի առնված չեն:
Մրցաշրջանի վերսկսումը կործանարար հետևանքներ կունենա: Հնարավոր է վերահսկել այն, ինչ կատարվում է մարզադաշտում, բայց ստադիոնի մոտակա տարածքներում խնդիրներ ենք ունենալու: Երկրպագուները պանդեմիայի ժամանակ չպետք է հավաքվեն մարզադաշտերի մոտակայքում. դա անպատասխանատու քայլ կդիտվի: Ոստիկանները ստիպված կլինեն միջամտել, եթե անվտանգության կանոնները խախտվեն»,-ասել է Ռադեկը:
Գերմանիայում այս պահին կա մոտ 156 հազար վարակակիր:
