Հունահռոմեական ոճի ըմբշամարտի աշխարհի առաջնությունում Հայաստանի ներկայացուցիչներն արձանագրել են նշանակալի հաջողություններ:
Արթուր Ալեքսանյանը (97 կգ) 5:1 հաշվով առավելության է հասել Չինաստանի մարզիկի նկատմամբ և ապահովել իր տեղը 1/4 եզրափակիչում: Նրա հաջորդ մրցակիցը կլինի Ադրբեջանի ներկայացուցիչը:
Հրաչյա Պողոսյանը (60 կգ) ժամանակից շուտ 9:0 հաշվով պարտության է մատնել Ուկրաինայի մարզիկին՝ դուրս գալով 1/8 եզրափակիչ:
Գոռ Խաչատրյանը (72 կգ) նույնպես ժամանակից շուտ հաղթանակ է տարել Հոնդուրասի ներկայացուցչի նկատմամբ և ապահովել իր տեղը 2025 թվականի աշխարհի առաջնության 1/8 եզրափակիչում:
