«Բարսելոնայի» հարձակվող Ռոբերտ Լևանդովսկին մեկնաբանել է Լա լիգայի 29-րդ տուրի՝ «Ժիրոնայի» դեմ խաղում տարած հաղթանակը՝ 4:1։
«Մենք վերահսկում էինք խաղը, բայց մեզ պակասում էր եզրափակիչ փոխանցումը: Երկրորդ խաղակեսում մենք սկսեցինք ավելի ագրեսիվ գործել և ավելի շատ պահեր ստեղծեցինք: Մենք մի քանի գոլ խփեցինք, և դա կարևոր է, քանի որ եթե սկզբում չես կարողանում գոլ խփել, պետք է հանգիստ մնաս և հավատարիմ մնաս ծրագրին: Եթե չորս գոլ խփես, միշտ կարող ես ասել, որ շատ լավ հանդիպում ես անցկացրել:
Շատերն են խոսում իմ տարիքի մասին, բայց ես գիտեմ, որ աշխատում եմ այնպես, ինչպես նախկինում։ Ուզում եմ խաղալ ամենաբարձր մակարդակով ևս մի քանի տարի։ Ես ինձ հիանալի եմ զգում ֆիզիկապես։ Ցուցանիշների առումով տարբերություն չկա այն, ինչ կար մի քանի տարի առաջ և հիմա։ Գիտենք, որ մինչև վերջ խաղալու ենք բարձր մակարդակով։ Եթե կենտրոնանանք այնպես, ինչպես անում ենք այս խաղում, կարող ենք շատ վտանգավոր լինել:
Ինձ համար ամենակարևորն այն է, թե ինչ պետք է անեմ թիմի համար։ Ես գիտեմ, որ երկու գոլ խփելով՝ օգնում եմ թիմին։ Հարձակվողի համար կարևոր է վստահություն ունենալ: Եթե ես գտնվում եմ տուգանային հրապարակում կամ մոտակայքում, երբ ստանում եմ գնդակը, միշտ մտածում եմ գոլ խփելու մասին»,- լեհ ֆուտբոլիստի խոսքերն է մեջբերում Marca-ն։
Ռոբերտն այս խաղում երկու գոլ է խփել։ Այս մրցաշրջանում 36-ամյա հարձակվողը անցկացրել է 42 հանդիպում, խփել 38 գոլ և կատարել 3 արդյունավետ փոխանցում։
