«Էվերթոնի» կիսապաշտպան Ջեք Գրիլիշը ժամանակավորապես հեռացվել է թիմի հիմնական կազմից՝ ակումբի ներքին կարգապահական կանոնները խախտելու պատճառով։ Այս մասին հայտնում է բրիտանական The Sun պարբերականը։
Աղբյուրի տեղեկություններով՝ 31-ամյա անգլիացին հերթական գիշերային խնջույքի ընթացքում ալկոհոլ է օգտագործել, որից հետո առանց մարզչական շտաբի թույլտվության չի ներկայացել թիմի նախատեսված մարզմանը։
Արդյունքում «Էվերթոնի» ղեկավարությունն ու գլխավոր մարզիչ Դևիդ Մոյեսը որոշել են ֆուտբոլիստին չընդգրկել «Նյուքասլ Յունայթեդի» դեմ Անգլիայի լիգայի գավաթի խաղարկության հանդիպման հայտացուցակում։ Մերսիսայդյան ակումբն այդ խաղում հաղթել է 3։1 հաշվով։
Գրիլիշը «Մանչեսթեր Սիթիից» «Էվերթոն» է տեղափոխվել վարձավճարով՝ ամառային տրանսֆերային պատուհանի վերջին օրը։ Անգլիացին նախորդ մրցաշրջանն էլ անցկացրել է մերսիսայդյան ակումբում՝ վարձավճարով։
