Մադրիդի «Ռեալը» սկսել է փոխարինող փնտրել կիսապաշտպան Կազմեիրոյին: «Սերուցքայինները» ցանկանում են մի ֆուտբոլիստի ձեռք բերել, որը կարող է փոխարինել բրազիլացուն: Այս պահին նրանք 3 տարբերակ են քննարկում, հայտնում է AS-ը:
Առաջին տարբերակը «Ռենի» կիսապաշտպան Էդուարդո Կամավինժան: «Ռեալի» գլխավոր մարզիչ Զինեդին Զիդան արդեն խորհրդակցել է ակումբի նախագահ Ֆլորենտինո Պերեսի հետ, երբ վերջինս 10 մլն եվրո արժեր, բայց գործարքն այդպես էլ չկայացավ: Հիմա 17-ամյա ֆրանսիացին 45-50 մլն եվրո է գնահատվում:
Երկրորդ տարբերակը «Չելսիի» կիսապաշտպան Ն՛Գոլո Կանտեն է: Լոնդոնյան ակումբը պատրաստ է բաժանվել ֆրանսիացուց, բայց մտադիր է նրա համար նվազագույնը 80 մլն եվրո ստանալ:
«Ռեալը» հետաքրքրված է նաև Բուբակարի Սումարեի ծառայություններով, որը հանդես է գալիս «Լիլում»: Ֆրանսիայի երիտասարդական հավաքականի ֆուտբոլիստի տրանսֆերային արժեքը 24.5 մլն եվրո է գնահատվում: