Marca-ն հայտնում է, որ ՖԻՖԱ-ն ու ՈւԵՖԱ-ն ցանկանում են միավորել ներկայիս և հաջորդ մրցաշրջանները՝ կորոնավիրուսի համաճարակի տարածմամբ պայմանավորված։
Մեկ այլ տարբերակ ևս դիտարկվում է․ վաղաժամկետ ավարտել ներկայիս մրցաշրջանները՝ զրոյացնելով բոլոր արդյունքները։
ՖԻՖԱ-ն և ՈՒԵՖԱ-ն կզբաղվեն նաև խաղացողների պայմանագրերի և տրանսֆերների իրավիճակով: Միևնույն ժամանակ, ֆինանսական ֆեյր փլեյը կարող է դադարեցվել, քանի որ այժմ ակումբները չեն կարող նորմալ հունով գումար վաստակել:
Այս իրավիճակում կարող է ստեղծվել հատուկ հիմնադրամ, որը գումար կփոխանցի այնտեղ, որտեղ դա հատկապես անհրաժեշտ կլինի: Խոսքը գնում է նաև աշխատավարձերի 65 տոկոսի շեմի մասին:
ՈւԵՖԱ-ն նախօրեին հայտարարեց Չեմպիոնների լիգայի և Եվրոպա լիգայի եզրափակիչ խաղերի անցկացման ժամկետները հետաձգելու մասին, որոնք նախատեսված էին մայիսին՝ կորոնավիրուսի համաճարակի պատճառով: Նոր ժամկետները դեռ որոշված չեն:
Հաղորդվում էր, որ ՈՒԵՖԱ-ն ֆեդերացիաներին, ազգային լիգաներին և ակումբներին առաջարկել է երեք օրացուցային տարբերակ մինչև մրցաշրջանի ավարտը ՝ մինչև հունիսի 30-ը, ինչը քիչ հավանական է, հուլիսի 31-ին և օգոստոսի 31-ին:
