«Բավարիայի» գլխավոր մարզիչ Թոմաս Տուխելը խոսել է Չեմպիոնների լիգայի քառորդ եզրափակիչի պատասխան խաղում «Արսենալի» նկատմամբ տարած հաղթանակի (1:0) մասին։
«Առաջին խաղակեսում շախմատային պարտիա էր։ Ոչ ոք չէր ուզում առաջին սխալն անել։ Բոլորը զգույշ խաղացին՝ մենք պահեր ունեինք, մրցակիցը նույնպես։ Ընդմիջմանը կոչ արեցինք թիմին դրսևորել անհատականություն և մի փոքր ավելի համարձակ խաղալ։ Մենք ավելի դինամիկ խաղացինք և ֆանտաստիկ երկրորդ խաղակես անցկացրեցինք: Մենք արժանի ենք այս հաղթանակին։
Միշտ ավելի լավ է խաղալ տանը՝ սեփական երկրպագուների աջակցության ներքո: Յուրաքանչյուր քայլի և լավ արարքի հետ դուք ստանում եք աջակցություն, որը ձեզ ուժ է տալիս: Հիմա կիսաեզրափակիչն է, և բոլորը պետք է պատրաստ լինեն և՛ մենք, և՛ մեր երկրպագուները:
Մենք վնասվածքներ ունեինք։ Զրկված էինք Դեյվիսից, Կոմանից և Գնաբրիից, ուստի չկարողացանք առավելագույն արագությամբ խաղալ: Պետք էր լուծումներ գտնել, և մենք դա արեցինք թիմով։ Շնորհակալություն եմ հայտնում տղաներին և շնորհավորում նրանց այս նվաճման համար։ Մենք բոլորս շատ ուրախ ենք»,- Տուխելի խոսքն է մեջբերել ՈւԵՖԱ-ի մամուլի ծառայությունը։
«Բավարիան» հաղթել է ընդհանուր՝ 3:2 հաշվով և դուրս եկել մրցաշարի կիսաեզրափակիչ, որտեղ կխաղա Մադրիդի «Ռեալի» հետ։
